作者：編輯部編輯部

編者按：這是一首用廣東話寫的打油詩，道出香港中下階層的怨氣，詩以廣東俗語寫成，與眾讀者共享一笑。看更原來識雞腸1，掃地都要寫文章。學士碩士唔馨香2，博士先至派用場。人工一定唔理想，七仟左右已中上。十二個月冇雙糧3，兩年合約要裝香4。半年之內有工返，已經算係好收場。開工應該喜洋洋，點知世態更炎涼。管理之名樣樣理，萬人之下一人上。資源增值好榜樣，以為發揮你所長。光管燒左5等你換，影印食紙你當殃。電話唔通都關事，水廁唔通你清場。電腦壞左要識整，發現病毒你仲傷6。食飯最多半個鐘，大小二便難舒暢。中港兩地四圍走，遲早去阿塞拜疆。仲要出街收爛賬，朝早做到午夜場。公司人事要攪好，唔係就李代桃殭。對付下屬要讚賞，對住上司要讚揚。對待同事要禮讓，對住老板扮羔羊。老細7個仔問功課，資料搜集你擅長。微積分非同小可，唔識都要頂硬上8。同事犯錯入你數9，仲要鬧你正粉腸10。開會猶如打靶場，鬧完仲要拍手掌。工餘進修係妄想，回家食飯冇商量。上司老板夠無良，病都要做鬼體諒。想話請假來休養，老細面似苦瓜乾11。晚晚加班做七日，唔通個個嫌命長？日日返工似殭屍，十足幾年無沖涼。大假以為好安樂，手提電話日日響。老細生日當娛樂，週年聚餐齊歡唱。笑臉迎人裝模樣，當正自己做歡場。以上所講冇誇張，全是打工眾生相。奉勸各位打工仔，積極求存為至上。香港經濟走晒樣12，一落何只過千丈。年年七百億財赤，一日二億手尾長13。我地認真要代禱，望佢快轉弱為強。1 雞腸即英文∕ 2 吃香∕ 3 年終獎金∕ 4 向神還願∕ 5 螢光燈燒壞∕ 6 更糟  7 老板∕ 8 頂硬上即不懂（能）也要做∕ 9 你負責任∕10 罵人是廢物∕11 苦口苦面∕ 12 面目全非∕ 13 留下來處理的事更多